Darogan cyfraniadau rhewlifoedd olaf Eryri i gylchredoedd carbon Cyfnod y Dryas Diweddaraf

Ceir cefnogaeth gref i’r cysyniad o ecosystemau rhewlifol drwy fesuriadau o gyfraddau sylweddol o gylchu carbon a maetholynnau ar rewlifoedd cyfoes. Serch hynny, ni roddwyd llawer o ystyriaeth i bwysigrwydd posibl y cyfraniadau hyn yn ystod cyfnodau cynt o rewlifiant. Felly modelwyd cynefinoedd a llifoedd carbon ar rai o baleorewlifoedd gogledd Cymru o’r Dryas diweddaraf. Amcangyfrifwyd amsugniad net o 30-180 kg C fesul CO₂ y flwyddyn ac allyriad methan rhwng 265-1591 g C fel CH₄. Mae hyn yn pwysleisio’r posibilrwydd o gylchu carbon ar rewlifoedd diweddaraf Cymru ond gellir ymestyn ar hyn drwy wella ein sail data cyfoes, archwilio biofarcwyr o fewn gwaddodion a mewngorffori’r data i fodelau llif thermomecanig o ddeinameg rhewlifoedd y Defensaidd.