Agweddau Gweithwyr Gofal Iechyd yng Nghymru tuag at Ddefnyddio’r Iaith Gymraeg mewn Lleoliadau Gofal Iechyd

Mae’r astudiaeth hon yn archwilio agweddau gweithwyr gofal iechyd yng Nghymru tuag at ddefnyddio’r Gymraeg mewn lleoliadau clinigol. Cynhaliwyd arolwg di-enw ar-lein er mwyn asesu hyfedredd yn y Gymraeg, profiadau o ddefnyddio’r iaith gyda chleifion a chyd-weithwyr, a barn am rôl y Gymraeg mewn gofal iechyd. Canfuwyd cysylltiad cryf rhwng defnyddio’r Gymraeg a hyder wrth gyfathrebu. Yn gyffredinol, roedd yr agweddau’n gadarnhaol, gyda llawer yn cefnogi gofynion hyfedredd sylfaenol, cynyddu nifer y gweithwyr gofal iechyd Cymraeg eu hiaith er mwyn gwella gofal cleifion, a dyrannu lleoedd i siaradwyr Cymraeg ar gyrsiau gofal iechyd. Awgrymir y gall hyrwyddo’r Gymraeg mewn gofal iechyd wella ansawdd gofal ar gyfer poblogaeth ddwyieithog Cymru.