D.J. a fi

Mae ‘D.J. a fi’ yn tynnu ar agweddau ar waith yr awdur Cymraeg, D.J. Williams, ac yn archwilio eu potensial i ysbrydoli’r broses o greu perfformiad cyfoes sy’n benodol i safle, a hysbysu’r dadansoddiad ohono. Mae hunangofiant Williams, Hen Dŷ Fferm, yn rhoi cipolygon unigryw ar dirwedd plentyndod, natur leoledig y cof, dramayddiaeth adrodd storïau a rôl y storïwr. Mae’r awdur yn defnyddio’r cipolygon hyn i ddatblygu ac awgrymu nifer o ddulliau ymarferol a damcaniaethol o ran defnyddio cofiant, hanes teuluol, saernïaeth ddomestig a gwybodaeth leol mewn perfformiad a ddyfeisir.

Gan gyfeirio’n helaeth at ei waith ei hun, ‘Bubbling Tom’ (2000), sef perfformiad unigol peripatetig a lwyfannwyd ym mhentref ei fagwraeth yn Swydd Lincoln wledig: taith dywysedig o amgylch y lleoedd yr oedd yn eu hadnabod yn saith oed – mae’n trafod pwysigrwydd gwaith Williams o ran ysbrydoli ffurfiau dramatig sy’n ceisio datgelu graen profiad drwy roi sylw i’r personol a’r cyfarwydd, manylion bywyd pob dydd a’i gyfansoddiad.